Kreml Zelenskinin itirilmiş ərazilər haqqında bəyanatını şərh etdi

"Krım, Sevastopol, Xerson, Zaporojye, Donetsk, Luqansk - Rusiya regionlarıdır, bu bir faktdır, bu subyektlər Rusiya Konstitusiyasında qeyd olunub".

Oxu.Az-ın məlumatına görə, bu barədə Rusiya prezidentinin mətbuat katibi Dmitri Peskov bildirib.

"Ümumiyyətlə, mümkün mövqelərə gəlincə, danışıqlar hələ başlamamışdan əvvəl, bu barədə açıq şəkildə danışmaq və göyləri silkələmək düzgün olmazdı", - deyə o bildirib.

Qeyd edək ki, bundan əvvəl Ukrayna Prezidenti Volodimir Zelenski itirilmiş ərazilər barədə Kiyevin mövqeyini açıqlamışdı. Onun sözlərinə görə, mümkün danışıqların nəticəsində Ukrayna itirilmiş əraziləri Rusiyaya aid kimi tanımayacaq.