Latviyada həm yerli, həm də xaricdən olan 180-dən çox uşağı pornoqrafiyaya cəlb etməkdə şübhəli bilinən müəllim həbs olunub.
Oxu.Az-ın xəbərinə görə, bu barədə Latviyanın "Lsm" qəzeti istintaq orqanlarındakı mənbələrinə istinadən məlumat yayıb.
Polis yetkinlik yaşına çatmayanların cinsi toxunulmazlığına qarşı ağır cinayətlər törətməkdə şübhəli bilinən 1988-ci il təvəllüdlü kişiyə qarşı ittiham irəli sürməyə hazırlaşır.
İstintaq müəyyən edib ki, şübhəli şəxs səkkiz il ərzində ən azı 180 uşağa qarşı seksual xarakterli cinayətlər törədib. Kişi onları kamera qarşısında soyunmağa məcbur edib və bu materiallardan pornoqrafiya yaratmaq üçün istifadə edib.
Müəllim hazırda həbsdədir. İstintaq materialları və sübutları yoxlayır. Araşdırma zamanı məlum olub ki, cinayətkar "Darknet" şəbəkəsi vasitəsilə uşaqların cinsi istismarı məsələlərinə dair praktiki tövsiyələrlə maraqlanıb. Bu onun yetkinlik yaşına çatmayanlarla cinsi əlaqə yaratmaq məqsədilə qəsdən etdiyi hərəkətlərdən xəbər verir.
Müəllimin cinayətin törədilməsi üçün təchiz olunmuş şəxsi ofisi olub, o, özəl onlayn kurslar, distant iş və repetitorluq adı altında fəaliyyət göstərib. Kişi internetdə uşaqlara hücum edib və onları seksual xarakterli videolar çəkməyə inandırıb.
