Rusiyanın xarici işlər naziri Sergey Lavrov ABŞ-li həmkarı Marko Rubio ilə ötən gün baş tutan telefon danışığı zamanı prezidentlər Vladimir Putin və Donald Tramp arasında əldə olunmuş razılaşmaların həyata keçirilməsini qarşılarına qəti şəkildə hədəf qoyublar.
Oxu.Az-ın TASS-a istinadən xəbərinə görə, bu barədə Sergey Lavrov efiopiyalı həmkarı Gedion Timotevos ilə danışıqların yekunlarına dair mətbuat konfransında çıxışı zamanı məlumat verib.
"Biz dünən prezidentlərin oktyabrın 16-da telefon danışığı zamanı əldə etdikləri razılaşmaya uyğun olaraq, Marko Rubio ilə kifayət qədər ətraflı danışdıq. Biz prezidentlər Putin və Tramp arasında ilk növbədə Alyaskada və eləcə də telefon danışıqları zamanı əldə edilmiş anlaşma və razılaşmalara uyğun hərəkət etmək üzrə qəti öhdəliyimizi bir daha təsdiqlədik", - deyə Rusiya xarici işlər naziri qeyd edib.
