Rusiyanın Litvadakı müvəqqəti işlər vəkili Aleksandr Yelkin Polşa üzərində dronlarla bağlı insident və Ukrayna ərazisinin atəşə tutulmasına görə Litva Xarici İşlər Nazirliyinə (XİN) çağırılıb.
Oxu.Az xəbər verir ki, bu barədə məlumat Litva XİN-in saytında yerləşdirilib.
Bildirilir ki, müvəqqəti işlər vəkilinə etiraz notası təqdim edilib. Nazirlik Polşanın hava məkanının pozulmasına görə məsuliyyəti Rusiyanın üzərinə qoyub. Bundan əlavə, Litva XİN belə hərəkətlərin NATO ölkələrinin kollektiv təhlükəsizliyinə təhdid yaratdığını bəyan edib.
Qeyd edək ki, səhər tezdən Polşa ordusunun əməliyyat komandanlığı ölkənin hava məkanını pozan və PUA (pilotsuz uçuş aparatı) kimi müəyyən edilən bir neçə obyektin məhv edildiyini açıqlayıb.
Litva hakimiyyəti dronların Polşanın hava məkanına daxil olması ilə əlaqədar milli təhlükəsizliyə cavabdeh olan xidmətlərin döyüş hazırlığı səviyyəsini artırmaq qərarına gəlib.
Oxu.Az xəbər verir ki, bu barədə "Delfi" portalına Milli Böhran Vəziyyətlərində İdarəetmə Mərkəzindən məlumat verilib.
"Litva ordusu və bütün məsul xidmətlər vəziyyəti izləyir... Milli Təhlükəsizlik Komissiyası hava məkanının mümkün pozulmaları ilə bağlı ölkənin hərbi və digər xidmətləri arasında qarşılıqlı fəaliyyət alqoritmlərini təsdiqləyib, qurumların ayıq-sayıqlıq səviyyəsi artırılıb, sərhəd və hava məkanının mühafizəsi gücləndirilib", - deyə mərkəz qeyd edib.
Qeyd edək ki, səhər tezdən Polşa ordusunun əməliyyat komandanlığı ölkənin hava məkanını pozan PUA kimi müəyyən edilən bir neçə obyektin məhv edildiyini açıqlayıb. Hazırda vurulmuş obyektlərin axtarışı aparılır. Hadisə ilə əlaqədar ölkənin bir hissəsi üzərində, o cümlədən Varşavada Friderik Şopen hava limanı üzərində hava məkanı müvəqqəti bağlanıb. Polşanın baş naziri Donald Tusk hadisəni genişmiqyaslı təxribat adlandırıb.
