BMT-nin Baş Assambleyasının 70-ci sessiyasına gələn Belarus heyətinin tərkibində ölkənin prezidenti Aleksandr Lukaşenkonun 11 yaşlı oğlu Nikolay da olub.
Oxu.Az “Qazeta”ya istinadən xəbər verir ki, oğlanın iclas zalındakı şəkillərini The Guardian-ın Moskva müxbiri Şon Uoker yayıb.
Şəkillərdə Nikolay Belarusun rəsmi heyəti üçün nəzərdə tutulmuş yerlərin birində əyləşib.
Belarus liderinin mətbuat xidmətinin məlumatına əsasən, Lukaşenko oğlu ilə bərabər Nyu-Yorka səfəri zamanı “11 sentyabr” milli memorialını ziyarət edib, orada “sağ qalan ağac” önünə əklil qoyublar.
