Ukraynadan Macarıstana CAVAB: iki diplomat ölkədən QOVULUR

Macarıstanın iki ukraynalı diplomatı casusluqda ittiham edərək ölkədən çıxarmasına cavab olaraq, Ukrayna da iki macar diplomatı ölkədən qovur.

Oxu.Az 24tv.ua-ya istinadən xəbər verir ki, bu barədə Ukrayna Xarici İşlər Nazirliyi (XİN) məlumat yayıb.

"Onlar 48 saat ərzində ölkəmizi tərk etməlidirlər", - Ukraynanın xarici işlər naziri Andrey Sibiqa bəyan edib.

Bundan əlavə, Ukrayna XİN Macarıstan səfirini çağırıb və ona nota təqdim edib.

"Biz Macarıstanın hərəkətlərinə cavab olaraq qarşılıqlılıq prinsipinə və milli maraqlarımıza əsasən addım atırıq", - deyə ukraynalı nazir qeyd edib.

20:24

"Macarıstan Ukraynanın Budapeştdəki səfirliyində işləyən iki ukraynalı casusu ölkədən çıxarır".

Oxu.Az xəbər verir ki, bunu Macarıstanın xarici işlər naziri Peter Siyarto "Facebook" sosial şəbəkəsində yayımlanan videomüraciətində bildirib.

"Bu gün biz Ukraynanın Budapeştdəki səfirliyində diplomatik pərdə altında işləyən iki casusu Macarıstandan çıxartdıq", - deyə nazir bildirib.

Qeyd edək ki, mayın 9-da Ukrayna Təhlükəsizlik Xidməti Macarıstan ordusunda xidmət etmiş iki casusun - bir kişi və bir qadının saxlanılması barədə məlumat yayıb.