Makron Yeni Kaledoniya ilə bağlı müdafiə şurasının iclasını keçirəcək

Fransa Prezidenti Emmanuel Makron mayın 20-də Yeni Kaledoniyada baş verən iğtişaşlarla əlaqədar müdafiə şurasının yeni iclasını keçirəcək.

Bu barədə AFP Yelisey sarayına istinadən xəbər verib.

İclasın yerli vaxtla saat 18:30-da (Bakı vaxtı ilə 20:30) başlayacağı bildirilib.

Qeyd edək ki, mayın 13-də Yeni Kaledoniyanın paytaxtı Noumea şəhərində keçirilən dinc nümayiş iğtişaşlara çevrilib, yüzlərlə mağaza və sosial müəssisə yandırılıb və talan edilib. Yüzlərlə insan, o cümlədən onlarla polis yaralanıb. Mayın 15-dən adada fövqəladə vəziyyət elan edilib.