Malayziyada qaz kəmərində dəhşətli partlayış: 300-dən çox insan xəsarət aldı

Malayziyanın paytaxtı Kuala-Lumpur şəhərindən bir qədər kənarda yerləşən "Petronas" dövlət enerji şirkətinin istismarında olan qaz kəmərində baş verən yanğın nəticəsində ümumilikdə 305 nəfər zərər çəkib.

Oxu.Az xəbər verir ki, bu barədə "Reuters" agentliyi məlumat yayıb.

Qeyd olunur ki, xəsarətləri daha ağır olan 145 nəfər xəstəxanaya yerləşdirilib. Yanğın təxminən 500 metr uzunluğunda boru kəmərində qaz sızması səbəbindən baş verib.

12:54

Malayziyada Kuala-Lumpurdan bir qədər aralıda yerləşən Subanq-Caya rayonunda qaz kəmərində böyük partlayış baş verib.

Bu barədə Oxu.Az "Malay Mail"ə istinadən məlumat verir.

Partlayış nəticəsində azı 112 nəfər xəsarət alıb, onlardan 63-ü xəstəxanaya yerləşdirilib.

Qeyd olunub ki, qaz kəməri dövlət enerji şirkəti olan "Petronas"a məxsusdur.

Yanğın qaz kəmərinin təxminən 500 m uzunluğunda bir hissəsini əhatə edib, alov göyə yüksəlir.

Yaxınlıqdakı Avan yaşayış rayonunun sakinləri təxliyə edilirlər. Hakimiyyət yaxınlıqda yerləşən "Petronas" yanacaqdoldurma məntəqəsinin zərər görmədiyini təsdiqləyib - yalnız əsas qaz kəməri yanır.

Yanğın nəticəsində hadisə yerinin ətrafında yerləşən 43 evin zərər gördüyü vurğulanıb.

Yanğının söndürülməsi üzrə işlər aparılır.