İlon Maskın "SpaceX" korporasiyası "Optimus" humanoid robotunu (insanabənzər robot) Marsa göndərməyi planlaşdırır.
Oxu.Az-ın xəbərinə görə, bu barədə İlon Mask "SpaceX"in təqdimatı zamanı bəhs edib və videoqeydi "SpaceX"in "X" hesabında paylaşılıb.
ABŞ-li sahibkar Marsa ilk "Starship" raketlərinin göndəriləcəyi vaxtı açıqlayıb. Korporasiya artıq 2026-cı ildə beş eniş modulunu işə salmaq niyyətindədir. Planetin öyrənilməsi üçün ilk missiyalar çərçivəsində isə "Optimus" robotları cəlb ediləcək.
Maskın sözlərinə görə, hər bir kosmik gəmidə bir neçə robot olacaq və onlar ekipajı imitasiya edəcək. "SpaceX" rəhbəri qeyd edib ki, 2026-cı ildə ilk "Starship" gəmilərinin buraxılması Yer ilə Mars arasında ən qısa məsafənin olacağı dövrə təsadüf edəcək. Bu halda pilotsuz uçuş yeddi aydan doqquz aya qədər davam etməlidir.
"Starship"in Mars versiyasında doqquz yeni nəsil "Raptor 3" mühərriki olacaq. Maskın sözlərinə görə, mühərriklər yüksək etibarlılığı ilə seçiləcəklər. Beləliklə, əgər sızma baş verərsə, o zaman yanacaq gəmi üçün heç bir nəticə vermədən sadəcə olaraq kosmosa düşəcək.
Mask bildirib ki, Marsda tez bir zamanda koloniya yaratmaq üçün hər iki ildən bir 1000-2000 gəmi buraxmaq niyyətindədir.
