Mask dövlət qulluğundan gedir

ABŞ Prezidenti Donald Tramp yaxın çevrəsinə Hökumətin Səmərəliliyi Departamentinə rəhbərlik edən sahibkar İlon Maskın yaxın zamanda dövlət qulluğunu tərk edəcəyini bildirib.

Oxu.Az xəbər verir ki, bu barədə "Politico" nəşri mənbələrə istinadən məlumat paylaşıb.

Qəzetin yazdığına görə, prezident və İ.Mask qərara gəliblər ki, sonuncu öz biznesinə qayıtmalıdır.

Milyarder D.Trampın administrasiyasında "xüsusi dövlət qulluqçusu" qismində işləyir. Bu status müəyyən tapşırıqların qısamüddətli icrasını nəzərdə tutur. Onların iş müddəti məhduddur - ildə 130 gündən çox deyil.

Ağ Evin yüksəkvəzifəli məmuru bildirib ki, iş adamı çox güman "qeyri-rəsmi müşavir rolunu" saxlayacaq və arabir Ağ Evə gələcək.