Mask Ukraynadakı müharibədən yazdı: "Daha neçə valideyn oğulsuz qalacaq?"

ABŞ Hökumətinin Səmərəliliyi Departamentinin (DOGE) rəhbəri İlon Mask bir çox Avropa ölkələrinin liderlərinin əbədi müharibə istədiyini bildirib.

Oxu.Az xəbər verir ki, İ.Mask bu barədə özünün "X" səhifəsində yazıb.

"Onlar əbədi müharibə istəyirlər. Daha neçə valideyn oğulsuz qalacaq? Daha neçə uşaq atasız qalacaq? Onların məntiqini əsas tutsaq, münaqişə heç vaxt bitməyəcək", - deyə iş adamı "X" səhifəsində yazıb.

İ.Mask bir neçə gün əvvəl verdiyi açıqlamada qeyd etmişdi ki, Ukrayna Prezidenti Volodimir Zelenski istefa verməli, neytral ölkəyə köçməli və amnistiya almalıdır".