Meksika polisi bir tərəfi ABŞ-yə gedib çıxan nəhəng tunel aşkar edib.
Oxu.Az xəbər verir ki, bu barədə "New York Post" qəzeti məlumat yayıb.
Məlumata görə, yeraltı keçid ölkənin şimal-qərbindəki Nueva-Tixuana rayonunda federal hüquq-mühafizə orqanlarının reydi zamanı tapılıb. Altı metrdən çox dərinlikdə yerləşən tunelin uzunluğu təxminən 265 metrdir. Tikili ABŞ ərazisinə qanunsuz keçid üçün nəzərdə tutulub.
Axtarış zamanı polislər sursat, mobil telefonlar, bank kartları, rəqəmsal videomaqnitofon və onlarla doza metamfetamin (mərkəzi sinir sistemini güclü şəkildə stimulyasiya edən, asılılıq yaratma potensialı həddindən artıq yüksək olan sintetik narkotik maddə - red.) müsadirə ediblər.
Qaynar xətt:
(055) 224 12 12
