Məşhur ABŞ-li bəstəkar və prodüser Kuinsi Cons 91 yaşında vəfat edib.
Oxu.Az "The Guardian" nəşrinə istinadən xəbər verir ki, bu barədə musiqiçinin ailəsi məlumat verib.
Qeyd olunub ki, musiqiçi Los-Ancelesdəki evində dünyasını dəyişib.
Kuinsi Cons 1933-cü il martın 14-də Çikaqoda anadan olub. İlk musiqi təhsilini Bostondakı Şillinger Musiqi Evində alan musiqiçi bir müddət sonra təhsilini yarımçıq qoyaraq Nyu-Yorka köçüb.
Müxtəlif caz qrupları ilə əməkdaşlıq edən bəstəkar 1970-ci illərin sonunda Maykl Ceksonla əməkdaşlığa başlayıb.
O, M.Ceksona dünya şöhrəti gətirən "Off the Wall" albomunun prodüseri olub.
