Argentinalı ulduz futbolçu Lionel Messi "Barselona"da Tyerri Anri ilə görüşdüyü anları xatırlayıb.
Oxu.Az xəbər verir ki, Messi təəssüratlarını "Give me Sport" nəşri ilə bölüşüb.
"O, paltardəyişmə otağına girdiyi ilk gün üzünə baxmağa cəsarət etmədim. Onun İngiltərədə etdiyi hər şeydən xəbərdar idim. Məndə onun posteri vardı və birdən biz eyni komandada olduq. Tyerriyə hiss etdiklərimi ən yaxşı şəkildə "heyranlıq" sözü ilə ifadə etmək olar", - deyə Messi vurğulayıb.
L.Messi fikrinin davamında T.Anrinin əlinə düşən şansları rahatlıqla tamamlamasını, hücumu bitirmək bacarığını xüsusi vurğulayıb.
"Deyəsən, bu, onun üçün çox adi bir məsələ idi. Onun hərəkətləri, driblinqləri, zərbələri, hər şey çox axıcı idi", - deyə 37 yaşlı ulduz futbolçu qeyd edib.
