Son aylarda Mozambikdə vəbadan azı 32 nəfər ölüb.
Oxu.Az xəbər verir ki, bu barədə "Lusa" xəbər agentliyi Mozambik Səhiyyə Nazirliyinı istinadən məlumat verib.
Məlumata görə, 2025-ci ilin sentyabr ayında epidemiyanın başlamasından bəri 2 650 yoluxma halı qeydə alınıb.
Epidemiyanın ən çox təsir etdiyi əyalət Nampula olub, burada 17 ölüm və 1 314 yoluxma halı qeydə alınıb.
Xatırladaq ki, Mozambikdə əvvəlki vəba epidemiyası (2024-cü ilin oktyabrı - 2025-ci ilin iyul ayları) 4 484 nəfərin yoluxmasına, onlardan 64 nəfərin ölümünə səbəb olub.
