Netanyahu: "Dəməşqdə hakimiyyət dəyişikliyi İsrail üçün yeni imkanlar açır"

"Dəməşqdə hakimiyyət dəyişikliyi İsrail üçün yeni imkanlar açır".

Oxu.Az xəbər verir ki, bunu İsrailin Baş naziri Benyamin Netanyahu Suriya ilə həmsərhəd bölgəyə səfəri zamanı deyib.

O, Dəməşqdə hakimiyyət dəyişikliyinin İsrailin İrana və Livandakı "Hizbullah" təşkilatının qüvvələrinə qarşı endirdiyi zərbələrin nəticəsi olduğunu bildirib.

"Bu gün Yaxın Şərqdə tarixi bir gündür. İranın şər oxunun əsas həlqəsi olan Bəşər Əsəd rejimi süqut etdi. Bu, Əsəd rejiminin əsas dəstəkçiləri olan İran və "Hizbullah"a endirdiyimiz zərbələrin birbaşa nəticəsidir. Bu, bütün Yaxın Şərqdə zəncirvari reaksiyaya səbəb oldu, - baş nazir vurğulayıb.