Ovçu dostunu qunduz hesab edərək güllələdi

Rusiyanın Tümen vilayətinin iki sakini gecə vaxtı ov üçün meşəyə yollanıblar.

Oxu.Az Gazeta.ru-ya istinadən xəbər verir ki, onlardan biri gecəgörmə cihazı taxıb və onun vasitəsilə gördüyü kölgəni qunduz hesab edərək atəş açıb.

Məlum olub ki, güllə yoldaşının qarnına dəyib. Yaralı xəstəxanada vəfat edib.

Ovçu saxlanılıb və cəzalandırılıb.

Kişiyə cəmi bir il azadlıqdan məhrumetmə cəzası verilib. Həmçinin o, öldürülən şəxsin ailəsinə 2 milyon rubl (təxminən 41 min manat) ödəməli olacaq.