ABŞ Prezidenti Donald Tramp bildirib ki, onun övladlarının hər biri potensial dövlət başçısı ola bilər.
Oxu.Az xəbər verir ki, o, bunu "Fox News" kanalına müsahibəsində bəyan edib.
Tramp hansı övladını gələcəkdə prezident kürsüsündə gördüyü barədə sualı cavablandırarkən "Müəyyən mənada onların hər biri ola bilərdi", - deyib.
Qeyd edək ki, Donald Trampın beş övladı var. İlk prezidentliyi dövründə qızı İvanka Ağ Evdə onun məsləhətçisi vəzifəsini tutub, lakin sonradan siyasətdən uzaqlaşıb.
Trampın son seçki kampaniyasında oğulları Donald və Erik daha fəal olublar. Bundan əlavə, Trampın Tiffani adlı qızı və hazırda Nyu-York Universitetində təhsil alan Barron adlı oğlu var.
