Pakistan ordusu: "Hindistana qarşı hərbi əməliyyat başa çatdı"

Pakistan Hindistanın hərəkətlərinə cavab olaraq başlatdığı "Banyan-ul-Marsus" əməliyyatının başa çatdığını elan edib.

Oxu.Az "Geo" telekanalına istinadla xəbər verir ki, bu barədə Pakistan Ordusunun Mətbuat Xidməti bəyanat yayıb.

Bildirilir ki, İslamabad təcavüzə cavab olaraq, Hindistanın onlarla hərbi obyektinin hücuma məruz qaldığı əks-hücumunu başa çatdırıb:

"Əməliyyatla eyni vaxtda Pakistan Silahlı Qüvvələri qərb bölgəsində ən effektiv əks-terror əməliyyatlarını həyata keçirib".

Pakistan ordusu aprelin 22-dən mayın 10-a kimi Hindistanla baş verən toqquşmaları "həqiqət uğrunda döyüş" adlandırıb.