Pakistandan Əfqanıstana hava hücumu: Çoxlu sayda ölən var

Pakistanın Əfqanıstana endirdiyi hava hücumları zamanı 46 nəfər həyatını itirib.

Oxu.Az-ın "Haber Global"a istinadən xəbərinə görə, bu barədə Əfqanıstanın Müdafiə Nazirliyindən məlumat verilib.

Əfqanıstan hökumətinin sözçüsü Zabihullah Mücahidin verdiyi açıqlaya görə, Pakistan ötən gün Əfqanıstanın şərqindəki Paktika əyalətinin Barmal bölgəsində 4 istiqamətdə hava hücumu təşkil edib.

"Ölənlərin ümumi sayı 46-dır. Onların əksəriyyəti uşaq və qadındır", - deyə o bildirib.

Həmçinin Əfqanıstan Müdafiə Nazirliyi hücumu pisləyib və buna görə qisas alınacağını deyib.

"Bu hərəkət açıq-aydın təcavüzdür və bütün beynəlxalq prinsiplərə ziddir. Pakistan tərəfi bilməlidir ki, bu cür özbaşına hərəkətlər problemlərin həlli deyil. Bu qorxaq hərəkəti cavabsız qoymayacağıq", - deyə nazirlikdən qeyd edilib.