"Bu gün Ermənistan və ABŞ arasında strateji dialoq üzrə keçirilən görüş iki ölkə arasında münasibətləri möhkəmləndirəcək".
Bunu baş nazir Nikol Paşinyan ABŞ dövlət katibinin Avropa və Avrasiya məsələləri üzrə müavini Ceyms O`Brayenlə görüşündə deyib.
Paşinyan bu görüşün müxtəlif sektorlarda əməkdaşlığa yeni təkan verəcəyini vurğulayıb. O, həmçinin mayın 5-də Brüsseldə baş tutan Ermənistan-Aİ-ABŞ sammitinin nəticələrinin əhəmiyyətini qeyd edib və əldə olunmuş razılaşmaların həyata keçirilməsinin zəruriliyini bəyan edib.
O`Brayen əmin edib ki, ABŞ müxtəlif sahələrdə islahatların aparılmasında Ermənistana dəstəyini davam etdirəcək.
Həmsöhbətlər Azərbaycan və Ermənistan arasında sülh sazişi üzrə danışıqların gedişini, həmçinin Alma-Ata bəyannaməsinə əsaslanan delimitasiya prosesini müzakirə ediblər.
Mənbə: Sputnik
