Ermənistanın baş naziri Nikol Paşinyan yaxın günlərdə Rusiyaya səfər edəcək.
Oxu.Az RİA Novosti-yə istinadən xəbər verir ki, Paşinyan səfər zamanı RF prezidenti VladimirPutinlə görüşə ümid edir.
“Yaxın günlərdə mənim Moskvaya səfərim gözlənilir. Səfər çərçivəsində Rusiya prezidenti Vladimir Putinlə görüşəcəm. Bu bizim üçüncü görüşümüz olacaq”, - Paşinyan Facebook səhifəsində canlı yayım zamanı deyib.
Erməni KİV yazır ki, Paşinyan sentyabrın 8-də Moskvaya gedə bilər.
Paşinyan həmçinin canlı yayım zamanı bildirib ki, Moskvada görüş zamanı Rusiya-Ermənistan münasibətlərində bir çox məsələlər müzakirə olunacaq.
Onun sözlərinə görə, son vaxtlar iki ölkə arasındakı əlaqələr çox müzakirə olunur.
“Mən deyə bilərəm ki, bügünkü Ermənistan-Rusiya münasibətlərini normal inkişaf edən iş prosesi kimi qiymətləndirirəm. Biz müxtəlif sahələrdən əməkdaşlığı davam etdiririk”, - Paşinyan yekunlaşdırıb.
Rəylər