Polşada NATO üzrə müttəfiqlərin iştirakı ilə "Iron Defender - 25" təlimləri başlayıb.
Oxu.Az bildirir ki, bu barədə Polşa Müdafiə Nazirliyi məlumat yayıb.
Qeyd olunub ki, Polşadan və müttəfiq ölkələrdən 30 minə yaxın hərbçi müasir döyüş texnikası və müdafiə sistemlərindən istifadəni məşq edəcək.
Vurğulanır ki, "Iron Defender" qarşılıqlı fəaliyyət və döyüş effektivliyinin yoxlanılması olmaqla yanaşı, Polşa ordusunun transformasiyasının nümayişidir.
