Polşada keçirilən prezident seçkisinin ikinci turunda müxalif Hüquq və Ədalət partiyasının namizədi Karol Navroçki 50.9% səs toplayaraq qalib gəlib.
Oxu.Az-ın xəbərinə görə, bunu "TVP İnfo" telekanalı Respublika Dövlət Seçki Komissiyasının seçki bülletenlərinin 100 faizinin hesablanmasından əldə olunan məlumatlarına istinadən bildirib.
Hakim Vətəndaş Koalisiyasının namizədi və Varşava meri Rafal Trzaskovski 49.1% səs toplayıb.
Polşada keçirilən prezident seçkisinin ikinci turunda müxalif "Qanun və ədalət" partiyasının namizədi Karol Navroçki qalib gəlib.
Oxu.Az xəbər verir ki, bunu "TVP İnfo" televiziya kanalı tərəfindən yayılan "İpsos" sosioloji mərkəzinin keçirdiyi ekzitpolun yenilənmiş nəticələri sübut edir.
Sosioloqların regional seçki komissiyalarının 50%-nin məlumatı nəzərə alınmaqla yenilənmiş hesablamalarına görə, Navroçki 50,7% səs toplayır. Onun rəqibi, hakim Vətəndaş Koalisiyasını təmsil edən Rafal Tşaskovski isə 49,3% səs alıb.
İyunun 1-də Polşada prezident seçkisinin ikinci turuna start verilib.
Oxu.Az "Onet Wiadomosti" nəşrinə istinadla xəbər verir ki, ikinci turda ən çox səs toplayacaq namizəd ölkənin prezidenti olacaq.
Mayın 18-də keçirilmiş birinci turda 13 namizəddən heç biri etibarlı səslərin yarıdan çoxunu toplamadığı üçün prezident seçkisinin ikinci turu keçirilir.
İkinci tura iki namizəd keçib: 31.36% səs toplayan Varşava meri Rafal Tşaskovski və 29.54% səs toplayan Milli Yaddaş İnstitutunun direktoru Karol Navrotski.
Qeyd edək ki, 29 milyon polyak seçkinin ikinci turunda səs vermək hüququna malikdir.
