Pörl-Harbor hadisələrindən sağ çıxan iştirakçılardan ən yaşlısı olan Frimen Conson vəfat edib. O, 106 yaşında dünyasını dəyişib.
Oxu.Az-ın xəbərinə görə, bu barədə CNN telekanalı məlumat verib.
Məlumata görə, Frimen Conson 1941-ci il dekabrın 7-də yaponlar hücum etdikləri zaman Oahu adasındakı 87 000 hərbçidən biri olub. O zaman "Sent-Luis" gəmisində işləyən Conson hücumu eşitməyib və görməyib. Onun yoldaşları torpedo bombardmançısını zenit silahları ilə vurublar. Hətta "Sent-Luis" gəmisi Sakit Okeana doğru irəlilədiyi zaman belə, Conson hücum haqqında az şey bilirdi. O, göyərtədə peyda olana qədər kreyser kiçik sualtı qayıqlardan yayınaraq, uğurla dənizə çıxmışdı.
Frimen Conson danışırdı ki, zabit yox, sadə dənizçi olub. Onun sözlərinə görə, kapitan və onun köməkçiləri təşviş yaratmırdılar, sadəcə öz işlərini görürdülər. Onlar kiçik rütbəlilərə baş verənlərin təfərrüatını danışmamaq qərarına gəliblər və üstəlik, bunun üçün vaxt da elə çox olmayıb.