Priqojinə qarşı cinayət işi açıldı: 20 ilə qədər həbs cəzası verilə bilər

“Vaqner” özəl hərbi şirkətinin təsisçisi Yevgeni Priqojinə qarşı cinayət işi açılıb.

Buna səbəb kimi onun silahlı üsyana çağırış edən ifadələr səsləndirməsi göstərilib.

Bu barədə Milli Antiterror Komitəsindən məlumat verilib.

Komitədən Priqojini qanunsuz hərəkətlərə son qoymağa çağırıblar.

“Yevgeni Priqojinin adından yayılan iddiaların heç bir əsası yoxdur. Bu bəyanatlarla əlaqədar Rusiya Federal Təhlükəsizlik Xidməti silahlı üsyana çağırış faktı üzrə cinayət işi açıb. Biz qanunsuz hərəkətlərə dərhal son qoyulmasını tələb edirik”, - deyə komitədən bildirilib.

Qeyd edək ki, sözügedən ittiham üzrə Y.Priqojini 20 ilə qədər həbs cəzası gözləyə bilər. 

Mənbə: TASS