Putin - Tramp görüşü İsveçrədə baş tuta bilər

İsveçrə Rusiya Prezidenti Vladimir Putinlə ABŞ-nin yeni seçilmiş Prezidenti Donald Tramp arasında görüş təşkil etməyə hazır olduğunu açıqlayıb.

Oxu.Az xəbər verir ki, bu barədə "Le Temps" qəzeti İsveçrə Xarici İşlər Nazirliyinin informasiya xidmətinin rəhbəri Nikolya Bidoya istinadən yazıb.

"Bürgenstokda keçirilən sammitdən bəri, Ukrayna, Rusiya və ABŞ müntəzəm olaraq sülhün bərqərar olmasına töhfə verəcək istənilən diplomatik səyləri dəstəkləməyə hazır olduğumuz barədə məlumatlandırılıb", - Bido qeyd edib.

Eyni zamanda, İsveçrə hakimiyyəti danışıqların aparılmasında təşəbbüs göstərmək niyyətində deyil.

Qəzet yazır ki, bu ölkə siyasətçilərin görüşünə ev sahibliyi edə biləcək dövlətlər siyahısında yalnız bir variantdır.