Putinin xüsusi nümayəndəsi ABŞ ilə danışıqların detallarını açıqladı

Rusiya İnvestisiya Fondunun rəhbəri, Rusiya prezidentinin investisiya və iqtisadi əməkdaşlıq üzrə xüsusi nümayəndəsi Kirill Dmitriyev Donald Tramp Administrasiyasının rəhbər şəxsləri ilə Moskva və Vaşinqton arasında dialoqun bərpasını müzakirə etdiyini açıqlayıb.

Oxu.Az bu barədə TASS agentliyinə istinadən xəbər verib.

K.Dmitriyev qeyd edib ki, müzakirənin əsas mövzusu Co Bayden administrasiyası dövründə tamamilə dayandırılmış Rusiya-ABŞ dialoqunun və iki ölkə münasibətlərinin bərpası olub.

Rusiya prezidentinin köməkçisi vurğulayıb ki, Donald Tramp Administrasiyası Rusiyanın mövqeyini dinləyir və Kremlin narahatlığını anlayır.

"Əlbəttə, müxtəlif məqamlar üzrə fikir ayrılıqları var, lakin proses gedir, dialoq var və bu, bizim anlayışımıza görə fikir ayrılıqlarını aradan qaldırmağa kömək edəcək", - K.Dmitriyev əlavə edib.

Onun sözlərinə görə, danışıqların digər mövzuları Rusiya ilə ABŞ arasında birbaşa hava nəqliyyatının bərpası, Arktikada nadir torpaq elementlərinə dair əməkdaşlıq, həmçinin Rusiyanı tərk etmiş Avropa şirkətlərinin boşluğunu Birləşmiş Ştatlar biznesi tərəfindən doldurulması olub.

K.Dmitriyev əlavə edib ki, Rusiyanın Avropaya hücum edəcəyinə dair iddialar ağılsızlıqdır və Ukraynanın NATO-ya qoşulmaq istəyi Donald Tramp Administrasiyası da daxil olmaqla, geniş şəkildə qəbul edilir.

Putinin xüsusi nümayəndəsi ABŞ ilə danışıqların detallarını açıqladı