Qızıl füçerslərinin qiyməti yenidən tarixi maksimumunu yenilədi

"Comex" birjasında (Nyu-York Ticarət Birjasının bölməsi) 2025-ci ilin iyun ayında tədarüklə birlikdə qızıl füçerslərinin qiyməti tarixi maksimumunu yeniləyərək bir troy unsiyası üçün 3250 dollardan yuxarı qalxıb.

Oxu.Az-ın xəbərinə görə, bu barədə ticarət platformasının məlumatlarında bildirilir.

Bakı vaxtı ilə saat 14:13-ə olan məlumata görə, qiymətli metalın qiyməti 0.44% artaraq 1 troy unsiyası üçün 3 251.9 dollar təşkil edib.

10:38

Asiya bazarlarında qızıl qiymətləri rekord həddə yüksəlib.

Oxu.Az-ın xəbərinə görə, bu barədə Investing.com məlumat verib.

Məlumata görə, spot qızılın qiyməti 1%-dən çox artaraq bir unsiya üçün rekord həddə - 3 220.20 dollara çatıb, iyunda başa çatan qızıl füçersləri isə 1.7% artaraq bir unsiya üçün 3 231.69 dollar olub.

Qeyd edək ki, qızılın qiyməti ABŞ-Çin ticarət rüsumları mübadiləsi fonunda kəskin şəkildə yüksəlir. Təhlükəsiz aktivlərə tələbat ABŞ və Çin arasında şiddətli ticarət müharibəsi ilə bağlı artan narahatlıqlar səbəbindən artmağa davam edir.