Qızılın qiyməti son bir həftədə tarixi maksimumunu təkrar yenilədi

"Comex" birjasında (Nyu-York Ticarət Birjasının bölməsi) 2025-ci ilin iyun ayında tədarüklə birlikdə qızıl füçerslərinin qiyməti 2 aprel 2025-ci ildə tarixi maksimumunu yeniləyərək bir troy unsiyası üçün 3200 dollar həddini keçib.

Oxu.Az-ın xəbərinə görə, bu barədə ticarət platformasının məlumatlarında bildirilib.

Aprelin 3-də Bakı vaxtı ilə saat 00:29-a olan məlumata görə, qiymətli metalın qiyməti 1.12% artaraq bir troy unsiyası üçün 3 201.6 dollar təşkil edib. Aprelin 3-də Bakı vaxtı ilə saat 8-ə qədər qızılın qiyməti bir troy unsiyası üçün 3 171.5 dollara qədər düşüb.