Moskva şəhər məhkəməsi Rusiya hərbçilərinin xatirəsini təhqir etməkdə təqsirli bilinən erməniəsilli bloqer Arsen Markaryanı 4 il 6 ay müddətinə azadlıqdan məhrum edib.
Oxu.Az xəbər verir ki, bu barədə TASS məlumat yayıb.
Yekun çıxışI zamanı prokuror Markaryana 6 il 10 ay həbs cəzası istəyib. Bloqer günahını tam etiraf edib və peşman olduğunu bildirib.
Qeyd edək ki, bloqer ötən ilin avqustun 23-də Moskva vilayətində saxlanılıb. Avqustun 25-də Moskvanın Taqanski Rayon Məhkəməsi Markaryanı hərbçilərin xatirəsini təhqir etdiyi üçün həbs edib.
