Rusiya Federasiya Şurası plenar iclasda Rusiya və İran arasında hərtərəfli strateji tərəfdaşlıq haqqında müqavilənin ratifikasiyası haqqında qanunu təsdiqləyib.
Oxu.Az xəbər verir ki, bu barədə TASS məlumat verib.
Razılaşma İran Prezidenti Məsud Pezeşkianın yanvarda Moskvaya səfəri zamanı imzalanıb. Sənəd uzunmüddətli perspektivdə Moskva ilə Tehran arasında əməkdaşlığın gələcək inkişafı üçün hüquqi bazanı müəyyən edir. Müqavilə Rusiya və İranın strateji tərəfdaş statusunu müəyyən edir və müdafiə, terrorla mübarizə, enerji, maliyyə, nəqliyyat, sənaye, kənd təsərrüfatı, mədəniyyət, elm və texnologiya daxil olmaqla bütün sahələri əhatə edir.
