Rusiya Federasiyasının Əlcəzairdəki səfiri Valeryan Şuvayev 69 yaşında vəfat edib.
Bu barədə Rusiya Xarici İşlər Nazirliyi məlumat yayıb.
Şuvayevin ölüm səbəbi hələlik açıqlanmır.
Valeryan Şuvayev 1955-ci ildə Barnaulda anadan olub. SSRİ Xarici İşlər Nazirliyinin Moskva Dövlət Beynəlxalq Münasibətlər İnstitutunu (MDBMİ) bitirib. O, bütün həyatını Yaxın Şərq və Şimali Afrikada diplomatik xidmətə həsr edib: Rusiyanın Liviya, İraq, Mərakeş və Əlcəzairdəki səfiri olub.
Diplomat SSRİ-nin Livan Respublikasındakı səfirliyində növbətçi köməkçisindən fövqəladə və səlahiyyətli səfirə qədər bir sıra vəzifələrdə çalışıb. Xidmətlərinə görə o, "Şücaət" ordeni ilə təltif edilib, həmçinin Rusiya Federasiyası Prezidentinin təşəkkür məktubu və "Rusiya Xarici İşlər Nazirliyinin fəxri işçisi" adı ilə təltif edilib.
2022-ci ilin may ayından Rusiyanın Əlcəzairdəki səfiri vəzifəsində çalışırdı.
Rəylər