Rusiya Federasiyasının Başqırdıstan Respublikasının Cənubi Ural Təbiət Qoruğunun ərazisində ayı snoubordçuya hücum edib.
Oxu.Az xəbər verir ki, bu barədə "Kumertau Time" məlumat yayıb.
Hadisə fevralın 22-də Malı Yamantau dağında baş verib. Şahidlərin sözlərinə görə, ayı xizək sürərkən snoubordçuya hücum edib. Qurban sağ qalıb, lakin onun vəziyyəti və xəsarətlərin hansı formada olması barədə təfərrüat hələlik məlum deyil.
Hadisədən sonra qoruğun rəhbərliyi əlverişsiz hava şəraiti səbəbindən Malı Yamantauya gedən ekoloji yolu rəsmi olaraq bağlayıb. Qadağa sonrakı xəbərdarlığa qədər qüvvədə qalacaq və əraziyə nəzarət gücləndirilib.
