Rusiyanın Sankt-Peterburq şəhərində əcnəbilərin işə götürülməsi mümkün olmayan iqtisadi fəaliyyət növlərinin siyahısı genişləndirilib.
Oxu.Az mk.ru-ya istinadən xəbər verir ki, bu barədə şəhərin qubernatoru Aleksandr Beqlov müvafiq sərəncam imzalayıb.
Bununla da, taksi sektorunda mövcud məhdudiyyətlərə kuryerlik sektoru da əlavə edilib.
Sankt-Peterburqun hökumət orqanları belə bir qərarın qeyri-qanuni məşğulluqla mübarizə, eləcə də kuryer xidmətlərinin təhlükəsizliyini yaxşılaşdırmaq və Rusiya vətəndaşları - ilk növbədə tələbələr və gənclər üçün iş yerlərinin yaradılması məqsədilə qəbul edildiyini bildirirlər.
"Biznesin yeni tələblərə uyğunlaşdırılması üçün kadr siyasətinin müvafiq şəkildə tənzimlənməsi məqsədilə üç aylıq keçid dövrü müəyyən edilib", - deyə səlahiyyətli orqanlar qeyd ediblər.
