Ermənistan Qarabağ üzrə Vyana danışıqlarında əldə olunmuş razılaşmaların həyata keçirilməsi üzrə ardıcıl işləmək niyyətindədir.
Oxu.Az RİA Novosti-yə istinadən xəbər verir ki, bu barədə Ermənistan prezidenti Serj Sarkisyan Astanada Avrasiya Ali İqtisadi Şurasının geniş tərkibli iclasında deyib.
“Vyanada ATƏT-in Minsk qrupunun həmsədr ölkələrinin vasitəçiliyi ilə görüş keçirildi. Bu görüşdə etimad tədbirlərinin yaradılmasına dair razılıq əldə olunub - təmas xəttində monitorinqlərin keçirilməsinin mexanizmi və ATƏT-in araşdırıcı mexanizmləri.
Ermənistan bu razılaşmaların həyata keçirilməsi üzrə ardıcıl işləmək niyyətindədir və münaqişənin sülh yolu həllini axtarmaqda davam edəcək”, - Sarkisyanın sözlərinin onun mətbuat xidməti sitat gətirir.
