Şimali Koreya Cənubi Koreya ilə iqtisadi əlaqələri kəsib

KXDR Ali Xalq Məclisi Rəyasət Heyətinin plenar iclasında Cənubi Koreya ilə iqtisadi əməkdaşlıq haqqında qanunlar ləğv edilib.

Cənubi Koreyanın Birləşmə Nazirliyinin sözçüsü bildirib ki, bu, yalnız Şimali Koreyanın daha da təcrid olunmasına gətirib çıxaracaq. O, belə bir addımın gözlənildiyini də əlavə edib.

Məlumata əsasən, iki Koreya arasında ticarət 2015-ci ildə 2,7 milyard dollardan və ya KXDR iqtisadiyyatının təxminən 10%-dən demək olar ki, sıfıra düşüb.

İlin sonunda keçirilən partiya toplantısında Şimali Koreya lideri Kim Çen In Koreyalararası əlaqələri “bir-birinə düşmən olan iki dövlət” arasındakı əlaqələr kimi müəyyən edib və gözlənilməz hallar yaranarsa, Cənubi Koreyanın bütün ərazilərini “yağmalamağa” söz verib.

Hələ 2023-cü ilin yanvarında Şimali Koreya lideri Kim Çen In Cənubi Koreya ilə birləşməyi qeyri-mümkün adlandırıb və iki ölkə arasında birləşmə tağının sökülməsinə çağırıb.

Mənbə: rbc.ru