Sudanda toqquşmalar nəticəsində 25 nəfər ölüb – YENİLƏNİB

Sudanda ordu ilə xüsusi təyinatlılar arasında baş verən toqquşmalar nəticəsində azı 25 nəfər ölüb, 183 nəfər yaralanıb.

Məlumata görə, ölkədə vəziyyət gərgin olaraq qalır. Ölkənin silahlı qüvvələrinin komandanı üsyana qalxan Çevik Reaksiya Qüvvələrinin buraxılması barədə əmr imzalayıb.

Qeyd edək ki, Sudanda baş verənlər aprelin 17-də BMT-də müzakirəyə çıxarılacaq.

Mənbə: TASS

20:20

Xartumun cənubunda Hərbi Hava Qüvvələrinin qərargahı ərazisində Sudan ordusu ilə çevik reaksiya qüvvələrinin bölmələri arasında toqquşmalar gedir.

Bu barədə “Əl-Cəzirə” telekanalı hadisə şahidlərinə istinadən məlumat yayıb.

Şənbə günü ordu komandanlığına qarşı çıxan xüsusi təyinatlılar ölkənin hava qüvvələrinə nəzarəti ələ keçirməyə çalışır.

Onların artıq Xartumdakı milli televiziya qərargahına nəzarəti ələ keçirdikləri vurğulanır.

Döyüşlərin davam etdiyi qeyd olunur.