Suriya Demokratik Qüvvələrinin başçısı Mazlum Abdi: "Öcalanın çağırışı bizə aid deyil"

Suriya Demokratik Qüvvələrinin (SDQ) başçısı Mazlum Abdi Kürdüstan İşçi Partiyası (PKK) terror təşkilatının Türkiyədə həbsdə olan lideri Abdullah Öcalanın çağırışına münasibət bildirib.

Oxu.Az "Independent Türkçe"yə istinadla xəbər verir ki, M.Abdi bu açıqlamanı gözlədiklərini bildirib:

"Belə bir açıqlamanın veriləcəyi məlum idi. Biz bu açıqlamanı gözləyirdik. Bu çağırışa münasibətimiz müsbətdir. Çünki bu, sülh məsələsidir".

M.Abdi vurğulayıb ki, A.Öcalanın çağırışı birbaşa PKK-ya ünvanlanıb: "Bu çağırış bizim bölgəmiz və qüvvələrimiz üçün deyil".

Qeyd edək ki, Suriyadakı SDQ-nin əsasını PKK-nin YPG qanadının terrorçuları təşkil edirlər.