Xalqların Bərabərlik və Demokratiya Partiyasının (DEM Parti) nümayəndələri bu gün Kürdüstan İşçi Partiyası (PKK) terror təşkilatının Türkiyədə həbsdə olan lideri Abdullah Öcalanla görüşüb və onun mesajı nümayəndə heyəti tərəfindən canlı yayımda ictimaiyyətə çatdırılıb.
Oxu.Az xəbər verir ki, müraciətin detallarını "Sabah" qəzeti yayıb.
Öcalan PKK-nın tarixi inkişafı ilə bağlı açıqlamalar verərək, artıq bu quruluşun sona çatmasının lazım olduğunu bildirib.
O, kürd və türk xalqlarının min illər boyu davam edən ittifaqının tarixi əhəmiyyətini vurğulayıb.
Öcalan demokratik cəmiyyətin əhəmiyyətini qeyd edərək bildirib ki, müasir dövrdə kürdlər demokratik mənada təşkilatlanmalıdırlar. Bu səbəbdən də o, silahları yerə qoymağa çağırış edib və "bu tarixi məsuliyyəti" öz üzərinə götürüb.
Nəhayət, Öcalan PKK-nın özünü ləğv etməsinin lazım olduğunu, dövlət və cəmiyyətlə bütövləşmək üçün bu qərarın qəbul edilməsini açıqlayıb.
Kürdüstan İşçi Partiyası (PKK) terror təşkilatının Türkiyədə həbsdə olan lideri Abdullah Öcalan tərəfdarlarına müraciət edib.
Oxu.Az xəbər verir ki, bu barədə "Haber Global" məlumat yayıb.
Müraciəti Xalqların Bərabərlik və Demokratiya Partiyasının (DEM Parti) nümayəndələri oxuyublar.
Öcalan tərəfdarlarını silahı yerə qoymağa və sivil yolla qurultay keçirərək, siyasi mübarizəyə qoşulmağa çağırıb.
O bəyan edib ki, PKK özünü buraxmalı, terror təşkilatı ləğv edilməlidir.
