Oğuzda it kişiyə hücum ETDİ: Ağır xəsarət yetirdi

Oğuz rayonunda 45 yaşlı kişi it hücumuna məruz qalıb.

Oxu.Az-ın məlumatına görə, o, Oğuz Rayon Mərkəzi Xəstəxanasının Təcili tibbi yardım şöbəsinə qəbul edilib.

Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, xəstəyə burunun açıq yarası, əlin baş barmağının didilmiş-cırılmış yarası diaqnozu təyin edilib.

Xəstəyə ilkin zəruri tibbi yardım göstərilib və ixtisaslı tibbi müayinə almaq üçün Şəki Rayon Mərkəzi Xəstəxanasına təxliyə edilib.

Tibb müəssisəsində zərərçəkmişə zəruri tibbi xidmətlər göstərilib. Burunun yumşaq toxumaları tam amputasiya olunub.

Vəziyyəti qənaətbəxş qiymətləndirilən şəxs ambulator müalicə üçün evə buraxılıb.