"Time" jurnalı ABŞ Prezidenti Donald Trampın tənqidindən sonra 10 noyabr tarixli gələcək sayı üçün onun təsviri olan yeni üz qabığı buraxıb.
Oxu.Az bildirir ki, bu barədə TASS jurnalın müxbiri Erik Kortellesə istinadən xəbər verir.
Xatırladaq ki, jurnalın Trampın fotoşəkili olan ilk üz qabığı oktyabrın 13-də dərc edilib. Orada ABŞ lideri aşağı rakursdan uzaqlara baxarkən təsvir edilib. Tramp şəkli kəskin tənqid edib.
Onun sözlərinə görə, məqalə "kifayət qədər yaxşı" yazılsa da, seçilmiş şəkil bəlkə də "hamısından ən dəhşətlisi" idi.
Yeni variantda Ağ Evin rəhbəri masa arxasında oturmuş vəziyyətdə təsvir edilib. Şəklin üstündə "Trampın dünyası" yazısı var.
