"Manifest" musiqi qrupunun təsisçisi və meneceri Tolga Akış saxlanılıb.
Oxu.Az xəbər verir ki, bu barədə İstanbul Baş Prokurorluğu məlumat yayıb.
Onun barəsində üç ayrı cinayət işi üzrə araşdırma başladılıb.
Akış barəsində "əxlaqsızlıq", "narkotik maddədən istifadə" və "cinayət yolu ilə əldə edilmiş əmlakın yuyulması" ittihamları üzrə araşdırma aparılır.
Şübhəli şəxs ifadəsinin alınması üçün polisə aparılıb. İstintaqın davam etdiyi bildirilir.
Araşdırma çərçivəsində Akışın evində qızıl, xarici valyuta və ümumi dəyəri 10 milyon türk lirəsi olan sənədlər aşkar edilərək götürülüb.
Qaynar xətt:
(055) 224 12 12
