Tramp 2037-ci ilə qədər ABŞ prezidenti olaraq qala bilər

Donald Tramp ABŞ Konstitusiyasına düzəlişlərdən birini "boşluq" olaraq istifadə edərsə, 2037-ci ilə qədər, yəni 90 yaşı tamam olana qədər vəzifəsində qala bilər.

Oxu.Az xəbər verir ki, bu barədə Böyük Britaniyanın "The Daily Mail" qəzeti yazıb.

Nəşr iddia edir ki, Ağ Ev administrasiyası 1951-ci ildə qəbul edilmiş 22-ci konstitusiya düzəlişindən istifadə imkanını nəzərdən keçirir, ona görə də, eyni şəxs iki dəfədən çox olmayaraq dövlət başçısı seçilə bilər. Bununla belə, düzəlişdə eyni şəxsin ABŞ administrasiyasının hazırkı rəhbərinin istefası və ya ölümü halında üçüncü və ya dördüncü dəfə prezident vəzifəsini icra edə bilməyəcəyi qeyd olunmayıb.

Belə ki, qəzetin yazdığına görə, dövlət başçısı postuna növbəti namizəd hazırkı vitse-prezident Ceyms Devid Vens ola bilər və Tramp da öz növbəsində, Vensin özü istefa verdikdən sonra bu vəzifəni tuta bilər.

Lakin "Daily Mail" iddia edir ki, ABŞ Ali Məhkəməsinin bu qərara hüquqi baxımdan etiraz etməsi çətin olacaq.