Tramp: "ABŞ öz ərazisini genişləndirməyə çalışacaq"

"Hazırda ABŞ daxili böhran və xaricdə fəlakətli hadisələrlə üz-üzədir".

Oxu.Az xəbər verir ki, bunu ABŞ Prezidenti Donald Tramp Konqresin mərkəzi zalında inaqurasiya nitqi ilə çıxış edərkən deyib. Mərasim Konqresin rəsmi "YouTube" səhifəsindən canlı yayımlanıb.

Trampın sözlərinə görə, onun gəlişi ilə vəziyyət dəyişəcək. Siyasətçi ABŞ-nin gücünün "bütün müharibələrə son qoymağa" və dünyada birliyi təmin etməyə imkan verəcəyini bəyan edib.

O bildirib ki, ABŞ öz ərazisini genişləndirməyə və Marsı tədqiq etməyə çalışacaq.

"ABŞ-nin qızıl dövrü elə indi başlayır. Ölkə çiçəklənəcək və bütün dünyada hörmət qazanacaq. Bundan sonra özümüzdən istifadə olunmasına imkan verməyəcəyik", - ABŞ prezidenti qeyd edib.