Amerika Birləşmiş Ştatlarının rəhbəri Donald Tramp qarşıdan gələn aralıq seçkisində Respublikaçılar Partiyasının Konqresin hər iki palatasında üstünlüyü qoruyacağı təqdirdə, bütün yetkinlik yaşına çatmış ölkə vətəndaşlarına 5 min dollar ödəniləcəyini bəyan edib.
Oxu.Az xəbər verir ki, bu barədə o, Dallasda keçirilən və noyabrda baş tutacaq Konqres seçkisinə həsr olunmuş Respublikaçılar Partiyasının milli qurultayında çıxış edərkən deyib.
"Mən söz verirəm: Əgər respublikaçılar ABŞ Senatında və Nümayəndələr Palatasında, yəni hər iki palatada qalib gələrlərsə, əldə etdiyimiz iqtisadi nailiyyətlər sayəsində mən hər bir yetkin ölkə vətəndaşına 5 min dollar həcmində dividend ödəyəcəyəm", - deyə Ağ Ev lideri qeyd edib. Tramp xüsusi olaraq bildirib ki, amerikalılar bu vəsaiti mütləq ABŞ daxilində xərcləməlidirlər. Onun sözlərinə görə, həyata keçiriləcək bu maliyyə dəstəyi "Tramp dividendləri" adlandırılacaq.
Qeyd edək ki, Konqresə aralıq seçkisi noyabrın 3-də təşkil olunacaq. Həmin gün Konqres Senatındakı 100 yerdən 33-ü, eləcə də Nümayəndələr Palatasının bütün 435 üzvü yenidən seçiləcək. Hazırda ABŞ-nin qanunverici orqanının hər iki palatasına respublikaçılar nəzarət edirlər.
