ABŞ Prezidenti Donald Tramp İrana qarşı davam edən zərbələr dalğasının "çox uzun çəkməyəcəyini" bəyan edib. Bununla belə, ABŞ Silahlı Qüvvələri istənilən an yeni hücumlar həyata keçirməyə hazırdır.
Oxu.Az "Reuters" agentliyinə istinadən xəbər verir ki, dövlət başçısı bu barədə Ağ Evdə jurnalistlərə bildirib.
"Onların Hörmüz boğazı boyunca yaratmağa çalışdıqları bütün yeni avadanlıqları - istər müdafiə, istərsə də hücum təyinatlı olsun - məhv etdik. Keçən gecə çox güclü hücum oldu və biz istədiyimiz zaman növbəti zərbəni endirməyə hazırıq", - deyə prezident vurğulayıb.
Trampın sözlərinə görə, İran "minaatan raket" yaratmağa cəhd göstərib və ABŞ onu məhv edib.
Xatırladaq ki sentyabrın 1-də ABŞ Silahlı Qüvvələrinin Mərkəzi Komandanlığı İrandakı hədəflərə bir sıra zərbələrin endirildiyini xəbər verib. İran cavab olaraq BƏƏ, İordaniya, İraq və Bəhreyn də daxil olmaqla ABŞ-nin hərbi bazalarına zərbələr endirib.
