Amerika Birləşmiş Ştatlarının qüvvələri İranın hərbi obyektlərinə qarşı həyata keçirilən növbəti zərbələr seriyasını yekunlaşdırıb.
Oxu.Az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) rəsmi məlumat yayıb.
Bildirilib ki, ABŞ hərbçiləri SEPAH-ın (İslam İnqilabı Keşikçiləri Korpusu) hədəflərinə, o cümlədən HHM sistemlərinə, radarlara, dəniz vasitələrinə, minalama avadanlıqlarına, eləcə də rabitə mərkəzlərinə hücumlar təşkil edib.
ABŞ İranın cənubundakı Hörmüzgan əyalətində bir neçə elektrik enerjisi təchizatı şəbəkəsinə zərbələr endirib. Nəticədə həmin ərazilərdə elektrik enerjisinin verilişində fasilələr yaranıb.
Oxu.Az IRIB-ə istinadən xəbər verir ki, bu barədə ölkənin Enerjinin İstehsalı və Paylanması Şirkətinin direktoru Məhəmməd Allahdad bildirib.
"Bu ərazilərdə yaranmış fasilələri bir saat ərzində aradan qaldırmaq və istehlakçıların elektrik enerjisi ilə təchizatını bərpa etmək üçün bütün səylərimizi göstəririk", - deyə o qeyd edib.
İranın cənubunda, Kerman əyalətində yerləşən Ciroft şəhərinin mülki hava limanı ABŞ-nin zərbələrinə məruz qalıb.
Oxu.Az xəbər verir ki, bu barədə İranın dövlət teleradio şirkəti məlumat yayıb.
Daha əvvəl ABŞ Silahlı Qüvvələrinin Mərkəzi Komandanlığı (CENTCOM) İranda hədəflərə bir sıra zərbələr endirildiyini açıqlayıb.
"Press TV"nin məlumatına görə, İranın cənub sahillərində, o cümlədən Qeşm adasında və bir sıra sahilyanı şəhərlərdə silsilə partlayışlar baş verib.
ABŞ ordusu İranla döyüşlərin yenidən başlaması fonunda ölkəyə qarşı yeni zərbələr endirdiyini açıqlayıb.
Oxu.Az xəbər verir ki, məlumatı ABŞ ordusunun Yaxın Şərqdə yerləşən Mərkəzi Komandanlığına (CENTCOM) istinadən "Al-Jazeera" yayıb.
Qeyd olunub ki, sentyabrın 1-də İran İslam İnqilabı Keşikçiləri Korpusunun (SEPAH) hədəflərinə zərbələr endirilib.
CENTCOM-un məlumatına görə, zərbələr SEPAH-ın Hörmüz boğazında kommersiya gəmiçiliyinə və regionda yerləşdirilmiş ABŞ hərbçilərinə qarşı son hücum cəhdlərindən sonra həyata keçirilib.
Bundan başqa, İranın cənubunda, o cümlədən Kənarək, Bəndər-Abbas və Qeşm adasında partlayışlar baş verdiyi bildirilib. Hakimiyyət orqanları hələlik dəymiş ziyanın miqyasını açıqlamayıb.
Qeyd edək ki, iki gün əvvəl ABŞ ordusu İranın cənubundakı Larak adasını vurub, Tehran isə buna cavab olaraq İordaniyada ABŞ hərbçilərinin yerləşdiyi bazaya raketlər atıb.
