ABŞ Prezidenti Donald Tramp müharibənin əvvəlində İrandakı məktəbə endirilən zərbəyə görə hələlik heç kimi məsuliyyətə cəlb etməyi planlaşdırmadığını bəyan edib.
Oxu.Az TASS-a istinadən xəbər verir ki, o, bunu Fransada keçirilən "Böyük Yeddilik" (G7) sammiti çərçivəsində təşkil olunan mətbuat konfransında deyib.
"Bunu heç kim qəsdən etməyib. Səhvlər olur. Müharibə çirkli bir işdir, lakin mən bilirəm ki, təhqiqat aparılır və mən hesabatı sizə elə sabah təqdim edə bilərəm. Yaxud bu sualı Pentaqonun rəhbəri Pit Heqsetə ünvanlayardım, çünki təhqiqatı onlar aparırlar", - deyə Tramp fikrini yekunlaşdırıb.
Xatırladaq ki, fevralın 28-də İran hökuməti ABŞ və İsrail tərəfindən Minab şəhərində qızlar üçün ibtidai məktəbə zərbə endirildiyini bəyan etmişdi. Hadisə nəticəsində 175 nəfər həlak olmuşdu ki, onlardan da 168-i şagird idi, daha 95 nəfər isə yaralanmışdı.
