ABŞ Prezidenti Donald Tramp qeyd edib ki, ticarət əlaqələrinin dayandırılması ilə bağlı xəbərdarlıqlardan sonra İspaniya "səhvini düzəldib" və iri həcmdə vəsait ödəməyə razıdır.
Oxu.Az xəbər verir ki, Donald Tramp bu məlumatı NATO (Şimali Atlantik Alyansı) Zirvə toplantısından geri dönərkən media nümayəndələri ilə söhbəti zamanı diqqətə çatdırıb.
Onun sözlərinə görə, İspaniya hökuməti əvvəlki mövqeyinə tam şəkildə qayıdıb. Hazırda Madrid rəhbərliyi ABŞ ilə hərtərəfli əməkdaşlığa tamamilə hazırdır.
"İspaniya bu gün çox səxavətli idi. Onlar böyük məbləğdə vəsait ödəməyə razılaşdılar. Əgər bunu etməsəydilər, biz onlarla heç danışmazdıq", - deyə Ağ Evin rəhbəri bildirib.
Bundan əvvəl Ankarada keçirilən NATO sammitində Tramp blokun üzv ölkələrindən çox məyus olduğunu bildirmişdi. Siyasətçi əlavə etmişdi ki, əgər tədbir Türkiyədə təşkil olunmasaydı, böyük ehtimalla həmin görüşə qatılmayacaqdı.
